यूएईमा फेरि पत्रकारिता तालीम हुने
|
नेपाल पत्रकार महासंघ यूएई सम्पर्क शाखाले आगामी नोभेम्बरमा फेरि आधारभूत पत्रकारिता तालीम आयोजना गर्नेभएकोछ । |
October 22, 2008 11:09 am
खाडीका पत्रकारहरू महासंघको कार्यालयमा
- जाकिर हुसैन - गत आइतबार यूएर्इ र कतारमा रहेका पत्रकारहरूले नेपाल पत्रकार महासंघ केन्द्रीयमा गई अध्यक्ष धर्मेन्द्र झासमक्ष विदेशमा रहेर पत्रकारिता गर्दा भोग्नुपर्ने समस्याहरूबारे अवगत गराउँदै आफ्नो पेसागत हकहितबारे माग राखेकाछन् । यूएर्इ र कतारका पत्रकार प्रतिनिधिहरूले महासंघको केन्द्रीय कार्यालयमा पुगी महासंघका पदाधिकारीहरूसँग भेट गरी आफ्ना मागहरू राखेका हुन् । उक्त समूहमा नेपाल पत्रकार महासंघ यूएर्इ सर्म्पर्क शाखाका महासचिव जेपी सापकोटा, सल्लाहकार दामोदर नेपाल र कतारबाट सञ्चालित नयाँ नेपाल अनलाइनका संवाददाता ऋचाशर्मा तिवारी रहेका थिए । खाडीस्थित यी दुइ देशका पत्रकारहरूले खास गरी कतारका सक्रिय रहेको नेपाली पत्रकारहरूको संस्था नेपाल पत्रकार संघलाई महासंघको सम्बद्धता दिनुपर्ने कुरामा जोडदिएका थिए । त्यस्तै उनीहरूले खाडी क्षेत्रमा पत्रकारहरूले भोगिरहेका समस्याहरूबारे महासंघले चासो लिनुपर्ने र उनीहरूलाई महासंघले प्रेसपास दिनुपर्नेबारे माग राखेका थिए । खाडीका पत्रकार र महासंघका पदाधिकारीहरूबीचको भेटवार्तामा महासंघका अध्यक्ष धर्मेन्द्र झा, उपाध्यक्ष गोबिन्द आचार्य, महासचिव पोषण केसीको उपिस्थिति रहेकोथियो ।भेटवार्तामा महासंघका अध्यक्ष धर्मेन्द्र झाले दर्ुइ देशबीचको सम्बन्ध र सम्बन्धित देशको कानूनी प्रक्रियाभित्र रहेर गर्न सकिने सवै खाले सहयोग गर्ने बताउनुभयो । उहाँले पत्रकार कल्याण कोषमा सम्भव भए देशबाहिर रहने पत्रकारहरूले पनि सहयोग गरे राम्रो हुने बताउनुभयो । कतारस्थित पत्रकार संघले आवश्यक प्रक्रिया पूरा गरी पूण्ा कागजातसाथ निवेदन गरेमा सम्बन्धनको सम्बन्धमा सुनुवाइ हुने बताउनुभयो ।
यूएर्इको पत्रकारिता बारे नेपालमा छलफल
- जाकिर हुसैन - नेपाल पत्रकार महासंघ यूएर्इ सर्म्पर्क शाखाले नेपालमा यूएर्इको पत्रकारिताको बारेमा नेपालका पत्रकारहरूसँग विविध विषयमा छलफल गरेकोछ । गत साता काठमाडौं प्रेस क्लबमा नेपालका पत्रकारहरूसँगको अन्तरक्रिया कार्यक्रममा महासंघ यूएर्इ सर्म्पर्क शाखाका प्रतिनिधिहरूले यूएर्इमा रहेका आम नेपालीहरूको अवस्था, यहाँ रहेर पत्रकारिता क्षेत्रमा काम गरिरहेका पत्रकारहरूको अवस्था, त्यसको आधार र नेपाल सरकारले चाल्नुपर्ने कदमका विषयमा कुरा राख्नुभयो । नेपाल पत्रकार महासंघ यूएर्इ सर्म्पर्क शाखाका कोषाध्यक्ष अर्जुन दाहालले दिनुभएको जानकारी अनुसार कार्यक्रममा नेपाल पत्रकार महासंघका केन्द्रीय अध्यक्ष धर्मेन्द्र झाले यूएर्इ देशबीच आँच नआउनेसम्मनका कार्यहरू गर्दा सर्म्पर्क शाखालाई महासंघले जस्तोसुकै सहयोग गर्न पछि नहट्ने बताउनुभयो । उहाँले गैह्र कानूनी ढंगले कुनै पनि व्यक्ति महासंघ सर्म्पर्क शाखाको सदस्यमा रहन नहुने कुरामा जोड दिनुभयो । उक्त अन्तरक्रिया कार्यक्रममा महासंघ यूएर्इ सर्म्पर्क शाखाका महासचिव जेपी सापकोटा, कोषाध्यक्ष अर्जुन दाहाल तथा सल्लाहकार दामोदर नेपालको सहभागिता रहेको थियो । उहाँहरूले पत्रकारहरूद्वारा सोधिएका प्रश्नहरूको जवाफ दिनुभयो । कार्यक्रममा पत्रकार महासंघका सल्लाहकार शिव गाउँलेले कार्यक्रमको उद्देश्यबारे प्रकाश पार्नुभयो ।
पत्रकार महासंघको सदस्यताको लागि आहृवान -
शंकर ज्ञवाली - २१ अक्टोबर, दुबई ।
नेपाल पत्रकार महासंघ यूएर्इ सर्म्पर्क शाखाले यूएर्इमा रही पत्रकारिता गर्ने नेपालीहरूलाई संघको सदस्यता लिन आहृवान गरेकोछ ।यूएर्इ सर्म्पर्क शाखाका अध्यक्ष जाकिर हुसैनद्वारा प्रकाशित प्रेस विज्ञप्तिमा यूएर्इका छापा तथा अनलाईन मिडिया तथा विश्वका कुनै पनि देशबाट प्रकाशित वा प्रसारित पत्रपत्रिका, अनलाइन मिडिया, समाचार एजेन्सी वा रेडियो, टेलिभिजनसँग सम्बद्ध नेपाली नागरिकले महासंघको सदस्यता लिन सक्ने जनाइएकोछ । विज्ञप्तिमा सदस्यताको लागि मान्यता प्राप्त शिक्षण संस्थाबाट न्यूनतम म्याटि्रक वा सो सरहको परीक्षा उत्तिर्ण गरेको हुनुपर्ने, सम्बन्धित मिडिया हाउसले पत्रकारको रूपमा काम गरेको प्रमाणपत्र दिएको हुनुपर्ने वा स्वतन्त्र पत्रकारको हकमा प्रेस काउन्सिलले जारी गरेको स्वतन्त्र पत्रकिारताको प्रमाणपत्र भएको र यूएर्इमा आवासीय भिसा लिएको हुनुपर्ने भनिएकोछ । सदस्यता आवेदनको लागि अबुधाबीमा खेमनाथ पौडेल -सर्म्पर्क नं. 0502803795), जेपी सापकोटा -सर्म्पर्क नं. ………….), दुबईमा अर्जुन दाहाल -सर्म्पर्क नं. ………………..), अलकुजमा धर्मेन्द्र यादव -सर्म्पर्क नं. …………..) र शारजाहमा शंकर ज्ञवाली -सर्म्पर्क नं. ०५०२०१३०३५) मा सर्म्पर्क गर्न सकिने जनाइएको छ । नेपाल पत्रकार महासंघ यूएर्इ सर्म्पर्क शाखा नेपाल पत्रकार महासंघ केन्द्रीय कार्यालय काठमाडौंबाट मान्यता प्राप्त संसारकै चार विदेश सर्म्पर्क शाखामध्ये एक हो भने खाडी राष्ट्रमा हालसम्म यस शाखाले मात्र मान्यता प्राप्त गरेकोछ । यस शाखाले गत डिसेम्बरमा मान्यता प्राप्त गरेको हो ।
